• 28 қараша 2023
• 849

Ректор Өзбекстанда білім алған студенттермен кездесті

Қорқыт ата атындағы Қызылорда университетінің 15 студенті қыркүйек айынан бастап Өзбекстан Республикасында «Академиялық ұтқырлық» бағдарламасы бойынша білім алды.
«Ташкент ирригация және ауыл шаруашылығын механикаландыру инженерлері институты» Ұлттық зерттеу университетінде оқып, елге оралған студенттермен оқу орнының басшысы Бейбіткүл Кәрімова кездесті.  
Білім алушылар көршілес мемлекетте «Су ресурстары және суды пайдалану», «Кадастр және жерге орналастыру» білім беру бағдарламасы бойынша 3 айға жуық білім алды. 
Кездесуде студенттер өзбекстандық ғалымдардың зерттеу нәтижелерімен, кітапханадағы құнды еңбектермен танысқанын, практикалық жұмыстар жүргізгенін атап өтті.
Жиында ректор «Академиялық ұтқырлық» бағдарламасы бойынша оқып келген студенттер өзге де білім алушыларға  тәжірибесімен бөлісу керегін атап өтті.

Қорқыт ата атындағы Қызылорда университетінің медиа орталығы
Байланыс телефоны: 8(7242) 26-21-34
e-mail: kmu.kmu@list.ru