1. AI Bootcamp

Kyzylorda Hub алаңында AI WEEK 2025 апталығы аясында төрт күндік AI Bootcamp өтті. Оқыту бағдарламасы қатысушыларды жасанды интеллект құралдарын күнделікті жұмыс пен шығармашылықта тиімді пайдалануға үйретуге бағытталды. Көп адамға таныс жағдай: бірсарынды тапсырмаларға сағаттап уақыт кетеді. Ал AI Bootcamp барысында қатысушылар сол процестерді бірнеше минутта орындауды үйренді. Бұл тәжірибелік курс барысында жасанды интеллекттің шынайы пайдасын сезінген қатысушылар өз өнімділігін арттырудың жаңа жолдарын тапты.

Курс мазмұны: 
- Бір ғана идеядан мәтіндер, оқиғалар және посттар құрастыру; 
- Сурет пен бейнені жасанды интеллект көмегімен визуалды форматта жасау;
- Жұмыс процесін автоматтандыру және уақыт үнемдеу тәсілдерін үйретуден тұрды.

Маңыздысы – бұл курста код жазу мүлде қажет емес. Тренинг генеративті жасанды интеллект құралдарын қарапайым, кез келген адам түсіне алатындай форматта ұсынды.

AI Bootcamp-те журналистер, мұғалімдер, студенттер мен оқушылардан құралған 30-дан астам қатысушы білім алды. Олар ChatGPT, Midjourney, Claude және басқа да AI платформаларымен жұмыс істеудің практикалық дағдыларын меңгерді.

2. Power BI Workshop

Kyzylorda Hub базасында деректерді талдау мен визуалдауға арналған Power BI Workshop өтті. Іс-шара AI WEEK 2025 апталығы аясында ұйымдастырылып, қатысушыларға Excel-дегі сандар мен мәліметтерді түсінікті әрі интерактивті дашбордтарға айналдыру жолдарын үйретті. 

Воркшоп барысында қатысушылар өз қолымен: 
- Excel және басқа дереккөздерден мәліметтерді Power BI жүйесіне қосты; 
- Алғашқы интерактивті есептер мен графиктер жасады; 
- Визуалды дашбордтар арқылы ақпаратты көрнекі түрде ұсынуды меңгерді. 

Power BI – деректерді талдап, нәтижесін визуалды форматта көрсетуге арналған тиімді құрал. Ол шешім қабылдауда интуицияға емес, нақты деректерге сүйенуге мүмкіндік береді. Сондықтан бұл воркшопқа тек IT-мамандар ғана емес, менеджерлер мен аналитикаға қызығатын жастар да қатысты. 

Шараға 30-ға жуық қатысушы қатысып, жаңа білім мен тәжірибе алды. Воркшоп соңында қатысушылар өздерінің алғашқы визуалды есептерін жасап, талдауды оңай әрі тиімді етудің артықшылықтарын сезінді. Kyzylorda Hub осындай тәжірибелік іс-шаралар арқылы өңірдегі цифрлық сауаттылық пен технологиялық мәдениетті дамытуға үлес қосуды жалғастыруда. 

3. Pizza Pitch Байқауы

Pizza Pitch – жастарға өз идеяларын бейресми әрі еркін ортада таныстыруға мүмкіндік беретін шара. Бір жағынан, бұл кәсіби дағдыларды шыңдау алаңы болса, екінші жағынан – жаңа таныстықтар орнатып, болашақ серіктестер табуға тамаша мүмкіндік. 

Ұсынылған Негізгі Жобалар:
Team Pass (Б. Бекболат, Н. Нұрдәулет): Стартап командаларына арналған бірыңғай экожүйе.
Job Baraholka bot (К. Ұлан): Telegram арқылы жұмыс пен жұмысшыны жылдам табуға арналған бот.
Mystery Meal Maker (М. Тамирис): Күнделікті ас мәзірін әртараптандыруға арналған қосымша (рецепттер мен кеңестер).
Test Arena (Ә. Нұрсайыд): Жасанды интеллект көмегімен оқу процесін ойын түрінде ұйымдастыру.
YqylasEdu (Ж. Жанболат): Шет тілдерін және университет курстарын шағын форматта меңгеруге арналған білім беру платформасы.
LawLay (М. Ерасыл): Заңгерлерге кәсіби процестерін жеңілдетуге арналған құқықтық қосымша.
IAI API Platform (Қ. Ернұр, Ә. Ильяс): Қазақстандағы алғашқы локальды ЖИ платформасы (студенттер мен әзірлеушілерге арналған).
Bmarket (С. Дархан): Құрылыс материалдарын өндірушілер мен сатып алушыларды біріктіретін маркетплейс.