Erasmus

Еуропалық Одақтың Эразмус плюс бағдарламасының АСИСИРИ жобасы орталығын ашылу салтанаты

Еуропа Одағының Эразмус+ бағдарламасы аясында Қорқыт Ата университеті "Информатика саласындағы PhD докторанттары мен жас зерттеушілерге арналған алдыңғы қатарлы орталық (ACeSYRI)" жобасына қатысады.

Бірлескен жоба (жобаның тіркеу нөмірі 610166-EPP-1-2019-1-SK-EPPKA2-CBHE-JP) Эразмус + бағдарламасының шеңберінде докторанттар мен жас зерттеушілер, Қазақстан оқытушылары және Еуропалық Одақ елдері арасындағы ынтымақтастықты дамыту мақсатында жүзеге асырылуда. 

ACeSYRI жобасының басты мақсаты - Еуропалық Одақ университеттерімен халықаралық ынтымақтастықты дамыту негізінде жас ғалымдардың, PhD докторанттардың Информатика (компьютерлік ғылымдар) саласындағы ғылыммен айналысуы үшін жағдайларын жақсарту, мақсатты топтармен ынтымақтастықты ілгерілету, Қазақстанда виртуалды портал мен Орталықтарды әзірлеу.

Бұл Жоба 2020 жылдың 15 қаңтарында басталып, 3 жылға есептелген және оны 3 еуропалық (Словакия, Франция, Польша) және Назарбаев Университеті, Қ.Сәтпаев атындағы Қазақ ұлттық университеті, Сүлейман Демирель университеті, Алматы энергетика және байланыс университеті, М. Қозыбаев атындағы Солтүстік Қазақстан университеті,  Жәңгір хан атындағы Батыс Қазақстан аграрлық-техникалық университеті және Қорқыт Ата атындағы Қызылорда университеті сияқты 9 қазақстандық университет жүргізеді.

ACeSYRI жобасының нәтижелерін енгізу-бұл Қазақстандағы жоғары білім беруді жаңғыртуға қосқан құнды үлес. Осыған орай, үстіміздегі жылдың  маусым айында университет "Заманауи ақпараттық технологиялар және жүйелерді компьютерлік моделдеу" тақырыбында халықаралық ғылыми-практикалық онлайн-конференция өткізді. Оған Германия, Словакия, Болгария, Ресей, Украина және Қазақстанның жоғары оқу орындарының 174 өкілі қатысты. Конференция нәтижелері бойынша қатысушылардың 94 мақаласынан тұратын конференция материалдары жарияланды.

Жобаның аралық нәтижелерінің бірі-ACeSYRI жобасының орталығын құру. ACeSYRI жобасының орталығында жұмыс жасау қатысушыларға зерттеу орталықтарын құруға, халықаралық зерттеу топтарымен ынтымақтасуға, ғылыми ақпаратпен және жобалардың нәтижелерімен алмасуға мүмкіндік береді.

Магистранттар мен PhD докторанттар, сондай-ақ жас оқытушылар өз зерттеулерін университеттің ғылыми порталында орындап, ғылыми мақалаларымен алмаса алады, шетелдік консультанттарды таба алады, өздерінің ғылыми мақалаларына рецензия ала алады және жоба Консорциумының профессорлары мен ғалымдарынан білікті кеңес алуға мүмкіндік беріледі. 

Жас зерттеушілердің зерттеу жағдайларын жақсарту, сондай-ақ оларды зерттеулердің өзекті мәселелеріне тарту информатика және ақпараттық технологиялар саласындағы жоғары білім деңгейін арттырады.