• 23 қаңтар 2024
• 1199

«Менің  құқықтарым мен міндеттерім» тақырыбында ақпараттық дәріс өтті

Қорқыт ата атындағы Қызылорда университетінің «Құқықтану» білім беру бағдарламасының аға оқытушысы, заң ғылымдарының магистрі Алия Муйденова мектеп оқушыларына құқықтық тәрбие беру бағытында ақпараттық дәріс өтті.

«Менің  құқықтарым мен міндеттерім» тақырыбында өткен жиынның басты мақсаты – оқушыларға адам құқығы мен бостандығы туралы баптарды қалыптастыра отырып, құқықтық білімдерін толықтыру. Сондай-ақ, білім алушыларды ізгі қасиеттер мен ар-ождан бостандығына, адалдық пен мейірімділікке баулу.

Айта кету керек, кездесу №285 мамандандырылған мектеп-лицей-интернатында өтті. Жиын соңында оқушылар құқықтық білім ала отырып, сұрақтарына жауап алды.