• 23 қаңтар 2024
• 1143

Қорқыт ата атындағы Қызылорда университетінің Оңтүстік Кореямен халықаралық байланысы нығаюда

Korkyt ata university мен Sahmyook health university арасында өзара ынтымақтастық жөнінде меморандумға қол қойылды.

Меморандум аясында білім және ғылым, стратегиялық даму саласында бірлескен жұмыстарды атқаруға келісім жасалды.

Ресми кездесуге Қорқыт ата атындағы Қызылорда университетінің Әлеуметтік және тәрбие жұмыстарының проректоры Жандос Базартай,  Sahmyook health university президенті JOO-HEE PARK және проректорлар корпусы қатысты.

SAHMYOOK HEALTH UNIVERSITY – бейінді бағыттар бойынша мамандар даярлайтын Оңтүстік Корея Сеул қаласындағы кәсіби университет. Материалдық-техникалық базасы, профессорлық-оқытушылық құрамы және даярлап жатқан мамандары сұранысқа сай. Оқу орнында 1500 білім алушы және 6 факультет бар.

Келісімге келген бағыттар:

- Әлеуметтік жұмыс мамандығы екі университетте де даярланады. Бұл жақта бірнеше бағытқа бөліп оқытылады. Алдағы уақытта тәжірибе алмасуға мол мүмкіндіктер бар. Бірлескен білім беру бағдарламаларын даярлауға, академиялық ұтқырлық бағдарламасы аясында оқытушылар мен студенттерді бір-бірімізге жіберуге жол ашылды;

- Косметология мамандығы Корея елінде жақсы дамыған және кәсіби даярланады. Осы мамандықты Қорқыт ата атындағы Қызылорда университетінде ашуды зерттеу, Кореядан мамандар шақырып қысқа мерзімді курстар ұйымдастыруға мүмкіндіктер ашылды.

Сонымен қатар, мейірбике ісі, медицинадағы IT, стомотология саласы да осы университетте оқытылады.