• 01 ақпан 2024
• 651

Атамекен 2023 рейтингісі жарияланды

Құрметті достар, әріптестер!

«Атамекен» Ұлттық кәсіпкерлер палатасы ҚР Ғылым және жоғары білім министрлігімен бірлесіп Қазақстандық жоғары оқу орындарының білім беру бағдарламаларының 2023 жылғы рейтингін жариялады.

Рейтингке Қорқыт Ата атындағы Қызылорда университетінен 47 білім беру бағдарламасы қатысқан болатын.

     «Атамекен-2022» рейтингісінде ТОП-3-ке университеттің 2 білім беру бағдарламасы кірген болса, «Атамекен-2023» рейтингісінде ТОП-3-ке 4 білім беру бағдарламасы енді. Олар:

·     Математика – 1 орын;

·     Химия – 2 орын;

·     Дизайн – 2 орын;

·     Өмір тіршілігінің қауіпсіздігі және қоршаған ортаны қорғау – 2 орын.

2022 жылы ТОП-10 білім беру бағдарламасына университеттен 9 білім беру бағдарламасы кірген болса, 2023 жылы ТОП-10-ға университетіміздің 15 білім беру бағдарламасы енді.

Университет білім беру бағдарламаларының рейтингтегі көрсеткіші  университет ұжымының жүйелі жұмыстарының нәтижесі деп білеміз.