• 22 наурыз 2024
• 265

Университет командасы чемпионатқа белсенді қатысты

45 жастан асқандар арасында футзалдан өткізілген Қызылорда облысының ІІІ қысқы чемпионаты өз мәресіне жетті. Оған 8 команда қатысып, командалар сапында облысымызға ғана емес, республикаға белгілі жергілікті және Алматы, Түркістан облыстарының футбол ардагерлері ойнады. Төрт айдай тартысты өткен чемпионатқа "Қорқыт Ата университеті" құрама командасы белсенді қатысты. Ерекше ойын өрнегін көрсеткен команданың мүшесі Байкетеев Меңлібек “Үздік ойыншы” атанды. Үздік ойыншыларға Қызылорда облысы футбол ардагерлері одағының грамоталары мен сыйлықтары табысталды. Ал "Қорқыт Ата университеті" ардагерлер командасына құрмет көрсетіп, Университеттің басқарма мүшесі, әлеуметтік және тәрбие жұмыстары жөніндегі проректор Базартай Жандос Нұртайұлы Алғыс хатпен марапаттады. Ардагерлеріміздің жеңісті күндері көп болсын!