• 22 наурыз 2024
• 298

Оқырман қызығушылығын оятты

Наурыз мерекесіне арналған тағылымды іс-шаралар бес бөлімнен тұратын кітап көрмесімен жалғасты. Оқырман қауымына көрмені Ғылыми кітапхананың  әдіскері Сәуле Үйсінбаева таныстырды. «Ұлыстың ұлы күні» сөресінде ұлттық құндылықтарымызды дәріптеу мақсатында салт-дәстүр, әдет-ғұрыптар, Наурыз мерекесі туралы кітаптар қойылған. Екінші сөреге университеттің тарихы туралы кітаптар мен «Хабаршы» журналының соңғы сандары оқырман назарына ұсынылды. Үшінші, төртінші кітап сөрелеріне оқытушылардың соңғы үш жылдағы еңбектері қойылған. Бесінші сөреге рухани жаңғыру бағытындағы әртүрлі кітаптар және Оксфорд университетінде жарық көрген қазақша сөздік  оқырман қызығушылығын оятты.

Сондай-ақ Қорқыт ата атындағы Қызылорда университеті «Kitap Al» дүкенінің директоры Абдулла Тоғанаспен бірлесіп оқырмандарға әртүрлі жанрдағы кітаптарды қолжетімді бағада ұсынды. Акция кітап сүйер қауым үшін оңтайлы ұйымдастырылған. Кітап дүкеніне барып қалаған кітабын сатып алуға сәті түспей жүрген оқырмандар өздері іздеп жүрген бірнеше кітаптарға қол жеткізді.