• 01 сәуір 2024
• 412

Студенттер мен магистранттарға арналған халықаралық кредиттік ұтқырлық бойынша конкурс туралы ХАБАРЛАНДЫРУ

Қорқыт Ата атындағы Қызылорда университеті халықаралық байланыстар бөлімі 2024 жылдың күзгі семестрінде Бельгия елінің Ховест қолданбалы ғылымдар университетінде ағылшын тілінде оқуға арналған Еуропа Одағының Эразмус+ жобасы бойынша Халықаралық кредиттік ұтқырлық бағдарламасы келесі білім беру бағдарламалары бойынша конкурс жариялайды:

- Жасанды интеллект инженері

- Қолданбалы информатика (Компьютерлік ғылымдар) I және II

- I және II Биоинформатика

- I және II бизнесті жаһандық басқару

- Ғимараттарды кешенді жобалау және салу құрылысы

 - Журналистика

 - Көші-қон және босқындар

Конкурсқа 1-2-3-курс студенттері мен 1-курс магистранттары тиісті білім беру бағдарламалары бойынша қатыса алады.

Конкурстан өткен  жағдайда білім алушыларға Эразмус+ жобасының гранты бөлінеді, ол барлық шығындарды өтейді, соның ішінде бару-қайту жолақысын, медициналық сақтандыру полисін, визалық шығындарын, жатақханада тұру төлемақысын және ай сайын 800 евро стипендия тағайындалады.

Оқу кезеңі 2024 жылғы қыркүйек-2025 жылғы қаңтар аралығы

Үміткерлер келесі құжаттарды ұсынады:

1. Білім алушының толық деректерімен ЖОО басшысының атына конкурсқа қатысу туралы өтініш (институты, БББ, тобы, паспорттық деректері, тұрғылықты мекенжайы, э-поштасы);

2. ҚР азаматы паспортының көшірмесі және жеке куәлігінің көшірмесі;

3. Ағымдағы үлгерім туралы Транскрипт (GPA кемінде 3.0 балл);

4. Шетел тілін білуді бағалаудың халықаралық жүйелері (IELTS/TOEFL) арқылы алынған Сертификат;

5. IELTS/TOEFL сертификаты жоқ үміткерлер 11 сәуір күні сағат 16:00-де университеттің бас оқу ғимаратының №306 дәрісханасында ағылшын тілінен институционалдық тест тапсырады.

Құжаттарды қабылдау халықаралық байланыстар бөлімінде 2024 жылғы 11 сәуіріне дейін жүргізіледі. Қызылорда қаласы, Әйтеке Би көшесі, 29-А, бас оқу ғимараты, 2-қабат, 212 кабинет, тел.: 26-17-25

Қорқыт Ата университеті Халықаралық байланыстар бөлімі.