• 09 сәуір 2024
• 228

Жатақханаларда құқықтық тәрбиелеу бойынша кездесу өтті

Қорқыт ата атындағы Қызылорда университетінің №3, 5 студенттер үйінде  профилактикалық кездесу өтті. Қызылорда қалалық полиция басқармасының аға учаскелік полиция инспекторы, полиция майоры Нұрбол Алдабергенов 1-2 - курс білім алушыларымен кездесті. Бұл профилактикалық кездесу студенттерді құқықтық тәрбиелеуге және тәртіп бұзушылық пен қылмыстан сақтандыруға арналған.

Жастар ісі жөніндегі комитет төрағасы Сағнадинқызы Нұрайымның ұйымдастырумен өткізілген кездесудің мақсаты - студент жастарды тәртіпке шақыру, құқықтық сауаттылығын арттыру.

Қазіргі кездегі қоғамдағы орын алып жүрген бірқатар құқық бұзушылықтың себеп-салдары, оның алдын-алу жөніндегі жүргізіліп жатқан шаралар жайында аға учаскелік полиция инспекторы сөз қозғап, өзекті ақпараттармен бөлісті. Білім алушылардың себепсіз сабақтан қалмауын қадағалау, оқу дисциплинасы мен студенттің ар-намыс кодексіне бағынуларын атап өтті.