• 12 сәуір 2024
• 1936

Студенттер мен магистранттарға арналған академиялық ұтқырлық бағдарламасы бойынша конкурс туралы ХАБАРЛАНДЫРУ

Қорқыт Ата атындағы Қызылорда университетінің халықаралық байланыстар бөлімі мемлекеттік грант негізінде білім алатын бакалавриат студенттеріне арналған ҒЖБМ республикалық бюджет қаражаты есебінен Еуропа (Польша) және Оңтүстік-Шығыс Азия (Корея) серіктес жоғары оқу орындарында ағылшын тілінде оқу үшін 2024 жылдың күзгі семестріне академиялық ұтқырлық бағдарламасы бойынша конкурсқа құжаттар қабылдауды жариялайды. Іріктеу комиссиясының конкурсынан өткен жағдайда грант иегер-студенттерге бару-қайту жолақысы, медициналық сақтандыру полисі, визалық шығындары және жатақхана ақысы төленеді.
Конкурсқа бакалавриат пен магистратураның (бітіруші курстарынан басқа) білім алушылары да қатыса алады. Іріктеуден өткен ақылы негізде оқитын студенттер мен магистранттар шетелдік ЖОО-ның  оқу ақысын төлеуден босатылады, ал бару-қайту жолақысы, визалық шығыстар, медициналық сақтандыру және жатақханада тұру білім алушылардың өздері есебінен жүргізіледі.

Өтініш беруші келесі құжаттарды тапсыруы қажет:

1. Білім алушының толық деректерімен университет басшысының атына конкурсқа қатысу туралы өтініш (институт, мамандық, топ, төлқұжат деректері, тұрғылықты мекенжайы, э-пошта);

2. ҚР азаматының жеке куәлігінің және/немесе шетелдік паспортының көшірмесі;

3.  Үлгерімі туралы куәлік: университеттің мөрімен куәландырылған ағымдағы үлгерімі туралы транскрипт (GPA 3.0 баллдан төмен болмау керек);

4. Шетел тілін (ағылшын тілі) меңгеру деңгейін растайтын құжат: бар болған жағдайда шетел тілін білуді бағалаудың халықаралық жүйелері арқылы алынған сертификат (IELTS/TOEFL/TOPIK);

5. IELTS/TOEFL/TOPIK сертификаттары жоқ үміркерлер ағылшын тілі бойынша институционалды тестті 19 сәуір күні сағат 16:00-де бас оқу ғимаратының №408 дәрісханасында тапсырады.

Құжаттар халықаралық байланыстар бөлімінде 19 сәуірге дейін қабылданады.

Мекен-жайымыз: Қызылорда қ-сы, Әйтеке Би көшесі 29-А, бас оқу ғимараты, 2-қабат, 212-ші кабинет, телефон: 26-17-25

Қорқыт Ата атындағы ҚУ-дың  халықаралық байланыстар бөлімі.