• 31 мамыр 2024
• 159

Саяси қуғын сүргін және ашаршылық құрбандары еске алынды

Қорқыт ата атындағы Қызылорда университеті “Шоқайтану” ғылыми орталығының ұйымдастыруымен 31 мамыр «Саяси қуғын сүргін және ашаршылық құрбандарын еске алу күніне» орай “Кеңестік саяси қуғын-сүргін: зерттеу мен зерделеу” атты танымдық кездесу өтті.

Шараны Қызылорда қалалық қоғамдық даму бөлімінің басшысы Айдын Қайруллаев кіріспе сөз сөйлеп, ашып берді. Қорқыт ата атындағы Қызылорда университетінің “Гуманитарлық-педагогикалық” институтының директоры Сағат Тамшыбайұлы Қызылорда облысында Кеңес үкіметі кезіндегі НКВД (Народный комиссариат внутренних дел) түрмелерінде жазықсыз жазаланғандар жайында тарихи мәліметтермен бөлісті. Келесі кезекте тарих ғылымдарының докторы Тастанбек Яхияұлы «Кеңестік қуғын сүргін:тарихы мен тағлымы» тақырыбында баяндама жасады.

Тағылымы терең шараға тарих пәні мұғалімдері мен жастар қатысып, құнды деректерге қанықты. Шара соңында тарихшы ұстаздар қатысушылардың тақырып төңірегіндегі сұрақтарына жауап беріп, ой-пікірлерімен алмасты.