• 01 қыркүйек 2024
• 715

Университет ғалымдары марапат төрінде

Қазақстан Республикасы Конституция күні және Білім күні мерекесіне орай Қорқыт Ата атындағы Қызылорда университетінде жоғары білім беру саласындағы зор үлесі, білікті мамандарды даярлаудағы жетістіктері және оқу орнының стратегиялық дамуына қосқан үлесі бірқатар қызметкер марапатталды. 

Салтанатты шарада физика-математика ғылымдарының кандидаты Әбділдә Төрешбаевқа «Ғылымды дамытуға сіңірген еңбегі үшін» төсбелгісі, педагогика ғылымдарының кандидаты, дәстүрлі музыка өнері және хареография білім беру бағдарламаларының доценті Күляш Қыдырбаеваға «Ахмет Байтұрсынұлы» төсбелгісі, филология ғылымдарының кандидаты, қазақ тілі мен әдебиеті және журналистика білім беру бағдарламаларының аға оқытушысы Аман Абасиловқа «Ана тілін дамытуға қосқан үлесі үшін» төсбелгісі табысталды.

Бұдан бөлек, физика-математика гылымдарының докторы, физика және математика білім беру бағдарламаларының кауымдастырлыған профессоры (доцент) Аңғысын Сейтмұратов «Ғылым үздігі» құрмет дипломымен, филология ғылымдарының кандидаты, қазақ тілі мен әдебиеті және журналистика білім беру бағдарламаларының аға оқытушысы Күлдірсін Сарышова «Тіл жанашыры» құрмет дипломымен, техника ғылымдарының кандидаты, дизайн және технологиялар білім беру бағдарламаларының қауымдыстырылған профессоры Жұлдыз Смаилова «Жоғары және жоғары оқу орнынан кейінгі білім беру ісінің үздігі» құрмет дипломымен марапатталды.

Марапат иелерін құттықтаймыз! Жаңа оқу жылы жетістіктерге толы болсын!