• 04 қыркүйек 2024
• 698

Университетте өнегелі отбасыларға құрмет көрсетілді

Қорқыт ата атындағы Қызылорда университетінде отбасы күніне орай өнегелі шаңырақ иелерін Басқарма Төрағасы-ректор Бейбіткүл Кәрімова қабылдады.

Жоғары білікті мамандар даярлауда және оқу орнының стратегиялық дамуына үлес қосып, қызмет пен отбасын қатар алып жүрген қызметкерлерге  құрмет көрсетілді. Атап айтсақ, отасқандарына 35 жыл толған  Гуманитарлық-педагогикалық институтының директоры Сағат Тамшыбайұлы мен «Орыс тілі мен әдебиеті» БББ-ның қауымдастырылған  профессоры Сәуле Тұрарқызы, жанұя құрғандарына 27 жыл толған педагогика және дәстүрлі өнер институтының директоры Нәку Бахаутдинұлы мен «Дәстүрлі музыка өнері және хореография» БББ-ның аға оқытушысы Гүлмира Елубайқызы, отасқандарына 25 жыл болған «Күміс кереге» иелері инженерлі-технологиялықинститутының директоры Бахытбек Байдосұлы мен «Электрэнергетикасы, техносфералық қауіпсіздік және экология» БББ-ның аға оқытушысы Светлана Жүргенбайқызы.

«Білім мен дамуды қатар алып жүру – маңызды отбасылық құндылық. Білімді бағалайтын отбасы жас ұрпақтың үнемі ізденісте болуына, жан-жақты дамуына баса назар аударады. Арамызда кейінгі ұрпаққа үлгі боларлықтай отбасылардың еңбек етіп жүргені бізді қуантады. Адал еңбек етіп, шәкірт тәрбиесіне зор үлес қосуда»,-деді Бейбіткүл Сәрсемханқызы.

Елімізде қыркүйектің екінші жексенбісінде Отбасы күні атап өтіледі. Биыл мереке 8 қыркүйекке тұспа-тұс келіп тұр.