• 13 қыркүйек 2024
• 264

Басқарма Төрағасы-ректор “Мамандығым-болашағым” жоба тобының жетекшісімен кездесті

Қорқыт ата атындағы Қызылорда университетінің Басқарма Төрағасы-ректор Бейбіткүл Сәрсемханқызы  Қазақстан Республикасының Ғылым және жоғары білім министрлігінің “Мамандығым-болашағым” жоба тобының жетекшісі Олжас Сәкеновпен кездесті. Кездесуде өңірге қажетті мамандарды анықтап, тиісті оқу бағдарламаларын құру бойынша екі жақты жоспарлар талқыланды.

“Былтыр Қорқыт ата атындағы Қызылорда университетінде форсайт-мектебін өткіздік. Онда 20-дан аса маманды даярлап, сертификат табыстадық. Ендігі жоспар Қызылорда әкімдігімен тығыз жұмыс жасап, мемлекет басшысының Жолдауда  міндеттеген тапсырмаларын жүзеге асыру”,-деді Олжас Сәкенов.

Қасым-Жомарт Тоқаев Қазақстан халқына арнаған Жолдауында  2025 жылды «Жұмысшы мамандықтары жылы» деп жариялады. Алдағы уақытта өңірге қажетті мамандықтардың болжамы жасалып, нақты қадамдар бойынша жұмыстар қолға алынады.