• 18 қыркүйек 2024
• 207

Лудоманияға тәуелділік: жастардың өмір сапасы мен психологиясына әсері

Қорқыт Ата атындағы Қызылорда университеті шаруашылық келісім негізінде «Мұнай.Тех.Сервис.Орда»  ЖШС-нің тапсырысымен «Лудоманияға тәуелділік: жастардың өмір сапасы мен психологиясына әсері» тақырыбы бойынша ғылыми-зерттеу жұмыстарын жүргізу туралы Шартқа қол қойылды.

Зерттеу жұмыстарын оқу орнының білікті мамандары мен ғалымдары жүзеге асыратын болады.  Ғылыми-зерттеу жұмыстарын жүзеге асыру бойынша жұмысшы тобының алғашқы отырысына тапсырыс беруші компанияның басшысы, меценат Қайсариев  Дәулет Тынымбекұлы қатысып лудоманияның қазіргі қоғамдағы азаматтардың өмір сапасына, психологиясына әсері, алдын-алу жолдары туралы өз пікірін ортаға салды. Алдағы уақытта жасалатын жұмыстарға, шарттың маңыздылығы мен алдағы жүргізілетін шаралардың өзектілігіне тоқталды.  Ғылыми-зерттеу жұмыстарын жүзеге асыратын жоба жетекшісі ретінде «Экономика және басқару» білім беру бағдарламасының аға оқытушысы, экономика ғылымдарының кандидаты Абай Шайнуров бекітілді. Жоба аясында арнайы материалдар, әлеуметтік бейнебаян дайындалып мектеп, колледж және жоғары оқу орындарымен бірлескен шаралар ұйымдастырылатын болады.

Айта кету керек, бұған дейін де аталмыш компания мен университет арасында бірлескен жобалар жүзеге асырылған болатын.