• 27 қыркүйек 2024
• 292

Жақсы кітап - жан азығы

Қала күніне орай өткізілген «KITAP Qala» кітап жәрмеңкесіне Қорқыт Ата атындағы Қызылорда университетінің ғылыми кітапханасы арнайы көрме ұйымдастырды. Оқырмандар назарына университеттің профессор-оқытушыларының ғылыми еңбектері, қордағы көркем әдебиеттер ұсынылды. 

Жәрмеңкеге Ә.Тәжібаев атындағы облыстық кітапхана, оқу орындарының кітапханалары қатысып, құнды мұраларымызды насихаттады.

Қала күні қарсаңында ұйымдастырылған іс-шараға ҚР Парламенті Сенатының депутаттары Руслан Рүстемов, Наурызбай Байқадамов, қала әкімі Нұржан Ахатов қатысып, қала күнімен құттықтады. Мәдениет және тілдерді дамыту бөлімінің басшысы Жағыпар Тажмаханов жәрмеңкеге белсенді ат салысқан кітапхана қызметкері Мәдемі Ахметованы алғыс хатымен  марапаттады.