• 02 қазан 2024
• 344

Шетелдік ғалымдардың дәрістері басталды

Қорқыт ата атындағы Қызылорда университетінде археология және тарих бағытында 30 қыркүйек пен 10 қазан аралығында шетелдік ғалымдардың дәрістері өтеді. Дәрістерді Германияның Тюбинген университетінің профессоры, археология ғылымдарының докторы Харке Генрих Гюнтер Хайнц және Ресей Ғылым Академиясы  Н.Н.Миклухо-Маклай атындағы Этнология және антропология институтының жетекші ғылыми қызметкері, тарих ғылымдарының кандидаты Аржанцева Ирина Аркадьевна жүргізеді.

Шетелдік ғалымдардың дәрісіне «Тарих және археология» білім беру бағдарламасының студенттері мен магистранттарына, сондай-ақ профессор-оқытушылар құрамына арналған. Олардың мазмұны төмендегі тақырыптарды қамтиды:
30 қыркүйек – Жанкент және пәнаралық зерттеулер;
2 қазан – Орталық Азиядағы Хорезм археологиялық-этнографиялық экспедициясының зерттеулері;
4 қазан – Ұлы Жібек жолы бойындағы сауданың дамуы, мемлекеттіліктің қалыптасуы және урбанизация;
7 қазан – Ерте орта ғасырлардағы қоғам және қоныстар (батыс және шығыс мәдениеттері негізінде);
9 қазан – Еуропалық көшпенділердің тарихы мен археологиясы (б.з.д. 1 мыңжылдық- б.з. 1 мыңжылдық).

Бұл дәрістер университет студенттерінің білімін тереңдетіп, археология мен этнография салаларындағы халықаралық тәжірибемен танысуға зор мүмкіндік береді. Шетелдік ғалымдармен тәжірибе алмасу болашақ мамандардың ғылыми көкжиегін кеңейтіп,  зерттеу дағдыларын жетілдіруге ықпал етпек. Сонымен қатар, дәріс барысында Ұлы Жібек жолы бойындағы өркениеттердің тарихы, археологиялық қазбалар және мәдениеттердің өзара ықпалы сияқты маңызды мәселелер қарастырылады.