• 04 қазан 2024
• 318

Шетелдік оқытушылардың қатары толықты

Қорқыт ата атындағы Қызылорда университетінің Академиялық мәселелер бойынша Басқарма мүшесі - проректор Дана Абдрашева германиялық волонтер, эксперт Эльфриде Паулимен кездесті. 

Эльфриде Паули - Германия Федеративтік Респубиликасының азаматы, SES компаниясының волонтер эксперті. Мектепке дейінгі мекемелерді басқару саласында терең білімі бар. Дуальды оқыту бағытында  22 жылдық тәжірибе жинақтаған білікті маман.
Шетелдік оқытушы “Мектепке дейінгі оқыту және тәрбиелеу” білім беру бағдарламасының білім алушыларына "Арнайы білім беру және ерекше қажеттілігі бар балалармен жұмыс жасау әдістемесі" бағытында практикалық сабақтарды жүргізеді.

Кездесу барысында алдағы бірлескен жобалар мен міндеттер талқыланды. Білім алушылар алдағы уақытта тәжірибелі маманнан дәріс алып, білімдерін шыңдауға мүмкіндік алмақ.