• 22 қазан 2024
• 364

Университетте ғылыми-тәжірбиелік семинар өтті

Қорқыт ата атындағы Қызылорда университетінде «Ғылыми зерттеулерді жүргізу және ғылыми жобаларды жазу әдіснамасы» тақырыбында ғылыми-тәжірбиелік семинар өтті. 
Кездесуге Қорқыт ата атындағы Қызылорда университетінің Академиялық мәселелер бойынша проректор – Басқарма мүшесі Дана Әбдірашева, «Дарын» облыстық қосымша білім беру орталығының директоры Баян Ниязова және оқытушы-профессорлар мен аудандардан келген ұстаздар қатысты.

Семинарда Қорқыт ата атындағы Қызылорда университетінің профессоры, филология ғылымдарының кандидаты Ғабит Тұяқбаев, «Шет тілдері және аударма» БББ жетекшісі, философия докторы Гаухар Сейтова, аға оқытушысы, химия ғылымдарының кандидаты Гүлжан Балқыбаева, аға оқытушысы, философия докторы Гүлзат Енесбаева, аға оқытушысы, философия докторы Ыслам Құрманиязов баяндама оқыды.
Ғылыми-тәжірбиелік семинардың мақсаты - ғылымның болашағына арналған жаңашыл идеяларды, ғылыми қалыптастырудағы рөлін талқылау. Ғылыми жаңалықтардың адамзаттың дамуына, технологиялық прогреске және болашақта орын алатын өзгерістерге әсерін көрсету. 

Семинар барысында Қызылорда облысының білім басқармасы «Дарын» облыстық қосымша білім беру орталығы мен Қорқыт ата атындағы Қызылорда университеті арасында меморандумға қол қойылды.