• 29 қазан 2024
• 377

Университет студенттері республикалық олимпиададан жүлделі II орын иеленді

Семей қаласының Шәкәрім атындағы университетінде «Информатика мұғалімдерін даярлау» білім беру бағдарламалары бойынша республикалық пәндік олимпиада өтті. Оған еліміздің 11 жоғары оқу орнының студенттері қатысты. Олимпиада нәтижесінде Қорқыт ата атындағы Қызылорда университетінің 6В01514 – Информатика білім беру бағдарламасының студенттері Ерасыл Турусбек мен Ахматжон Барзуев ІІ орын иеленді. Команданың жетекшісі – педагогика ғылымдарының кандидаты, қауымдастырылған профессор Сарсенкул Шайкамалқызы.

Олимпиаданың мақсаты – жоғары оқу орындары арасында білім беру сапасын арттыру, студенттердің ғылыми – теориялық білімін және практикалық қабілеттерін дамыту. 

Айта кетейік, сайысқа қатысқан университеттер арасынан І орын Атырау университетінің командасына, ІІІ орын Марғұлан университетінің командасына берілді.