• 12 қараша 2024
• 338

«Қызылорда» Өңірлік инвестициялық орталығының 10 жылдық мерейтойы аясында дөңгелек үстел өтті

Қорқыт ата атындағы Қызылорда университетінде «Қызылорда» Өңірлік инвестициялық орталығының 10 жылдық мерейтойы аясында «ШАҒЫН ЖӘНЕ ОРТА БИЗНЕСТІ ҚОЛДАУ: ҚАРЖЫ ҚҰРАЛДАРЫ» атты дөңгелек үстел өтті.

Жиында Қорқыт ата атындағы Қызылорда университетінің Басқарма мүшесі - стратегиялық даму және IT жөніндегі проректор Махмұт Томанов іс-шараның маңыздылығына тоқталды.

Дөңгелек үстелдің негізгі мақсаты – Қазақстандағы кәсіпкерлік және бизнесті оқытуға қатысты өзекті проблемалар мен міндеттерді талқылау, сондай-ақ осы саланы одан әрі дамыту үшін жұмыс жасау.

Кездесуде Қызылорда облысы әкімінің орынбасары Ардақ Зебешев, «Қызылорда» Өңірлік инвестициялық орталығы» МҚҰ» ЖШС директоры Талғат Матаев, Қаржы нарығын реттеу және дамыту агенттігінің Қызылорда қаласындағы өңірлік өкілдер басқармасының басшысы Ляззат Темирова, Қызылорда облысы кәсіпкерлер палатасының директоры Пірмұхаммед Сыздық, Қорқыт ата атындағы Қызылорда университетінің профессоры Асылбек Наурызбаев, «Аграрлық несие корпорациясы» АҚ Қызылорда облысы бойынша аймақтық филиалының директоры Жанар Прешова және «Даму» кәсіпкерлікті дамыту қоры» АҚ Қызылорда облысы бойынша аймақтық филиалы директорының орынбасары Руслан Сламхан баяндама жасады.