• 11 желтоқсан 2024
• 287

Волонтерлік қызмет: қоғамдық келісім мен бірліктің негізі

Қорқыт ата атындағы Қызылорда университетінің белсенді жастарының қатысуымен «Еріктілер қызметі: қоғамдық келісім мен бірліктің негізі» атты жиын өтті. Шара волонтерлік қызметтің қоғамдағы маңызды рөлін және оның әлеуметтік мәселелерді шешудегі тиімділігін көрсету мақсатында ұйымдастырылды.

Іс-шарада Жастар комитетінің төрағасы Нұрайым Сағнадинқызы волонтерліктің тек қайырымдылық қана емес, сонымен қатар қоғамдағы өзекті мәселелерді шешудің маңызды құралы екенін атап өтті.

Сонымен қатар, Жастар орталығының "Ұйымдастырылған жастармен жұмыс жасау" бөлімінің басшысы Әлихан Нәлібаев пен университеттің Психологиялық қолдау орталығының маманы Құралай Иманалиева тәжірибелерімен бөлісіп, өз ойларын ортаға салды.

Жиында «Дала қырандары» және «Менің бауырым» жобалары талқыланып, тұрақты даму мақсаттарының 17 бағыты бойынша пікір алмасты. Бұл жобалар қоғамның әлеуметтік жағдайын жақсартуға бағытталған нақты қадамдар.

Шараның қорытындысы ретінде студенттерді волонтерлік қызметке тарту, олардың қоғам мен тұрақты даму үшін жауапкершілік сезімін қалыптастыруға ынталандыру мақсатында көптеген ұсыныстар айтылды.

Қорқыт ата атындағы Қызылорда университетінің медиа орталығы
Байланыс телефоны: 8(7242) 26-21-34
 e-mail: media_korkyt@mail.ru