• 11 желтоқсан 2024
• 306

Ақын-журналист Мусағали Тасқалиевпен тағылымды кездесу

Қорқыт ата атындағы Қызылорда университетінде “Спорт пен өнер егіз” тақырыбында тағылымды кездесу өтті. Шараға “Спорт жұлдыздары” республикалық журналының бас редакторы, Қазақ Спорт және Туризм академиясының құрметті профессоры, ақын-журналист Мусағали Тасқалиев арнайы қатысты.

Кездесу барысында “Қайсар” футбол клубының директоры, облыстық мәслихат депутаты Садық Мұстафаев Мусағали Сабырғалиұлының қоғамға қосқан үлесін ерекше атап өтіп, студенттерге сәттілік тіледі. Сонымен қатар, Жаратылыстану институтының директоры Нұрлыбек Ахатаев құрметті қонаққа шығармашылық табыс тілеп, студенттермен жүздесуге уақыт бөлгені үшін алғысын білдірді.

Шарада спорт пен өнерді қатар алып жүрген талантты студенттер де өз өнерлерін ортаға салды. Айдана Төлеу мен Ерсайын Мырзабеков Мусағали Тасқалиевтің әндерін орындаса, жас ақын Асу Шалабай  өлеңдерін мәнерлеп оқыды. Ал Мусағали Сабырғалиұлы студенттердің шығармашылыққа, әдебиет пен спортқа қатысты қойған сауалдарына жауап беріп, өмірлік тәжірибесімен бөлісті.

Кеш соңында университет ұжымы атынан құрметті қонаққа естелік сыйлық табыс етілді. Салтанатты шара Жаратылыстану институты мен Дене шынықтыру және бастапқы әскери дайындық кафедрасының ұйымдастыруымен өтті. Кездесу жас ақын Ерсұлтан Мұстафаевтың Мусағали Тасқалиевке арнаған әсерлі өлеңімен түйінделді.

Қорқыт ата атындағы Қызылорда университетінің медиа орталығы
Байланыс телефоны: 8(7242) 26-21-34
 e-mail: media_korkyt@mail.ru