• 22 желтоқсан 2024
• 385

QYZYLORDA Regional FIRST Championship

Қорқыт ата атындағы Қызылорда университетінің Жасанды интелект институтында QYZYLORDA Regional FIRST Championship турнирі өтті. Жарысқа Назарбаев зияткерлер мектебі, №10 Білім инновация лицейі, Жалағаш ауданы №201 мектеп-лицейі, Қазалы ауданы №266 мектеп-лицейі, Qstem мектебі, №261 орта мектеп, Қармақшы ауданының оқушылар үйі, №15 мектеп лицейінің оқушылары қатысты.

Қорқыт ата атындағы Қызылорда университетінің Жасанды Интеллект институтының директоры Нурлан Кулмырзаев білім алушыларға институтты таныстырды. “Дарын” облыстық қосымша білім беру орталығы директоры  Баян Ниязова жарысқа қатысушы командаларға сәтілік тілеп, Ustem foundation мүшесі Жібек Зарлықова команда мүшелеріне жарыс ережесін түсіндірді.

Турнирде командалардың жұмысына Тұрар Рысқұлов атындағы №222 орта мектеп физика мұғалімі Ержан Кенжеев, Қызылорда оқушылар сарайы, Робототехника үйірмесінің жетекшісі Бейбарыс Раушанбек және Қорқыт ата атындағы Қызылорда университетінің оқытушысы Оралбек Абдуллаев қазылық етті.

Қатысушыларға FIRST LEGO League challenge секциясы ұйымдастырылды. Турнирдің басты мүмкіндігі - FLL Challenge секциясы бойынша Central Asia чемпионатына қатысуға квота. Жарыс қорытындысы бойынша Назарбаев зияткерлер мектебі мен Қазалы ауданы №266 мектеп-лицейінің білім алушылары Central Asia чемпионатына жолдама алды.

Айта кетейік, турнирдің мақсаты - білім алушылардың инженерлік және шығармашылық қабілеттерін көрсету. Сайыс Жасанды интелект институты мен USTEM қорының ұйымдастыруымен өтті.

Қорқыт ата атындағы Қызылорда университетінің медиа орталығы
Байланыс телефоны: 8(7242) 26-21-34
 e-mail: media_korkyt@mail.ru