• 22 желтоқсан 2024
• 397

Қорқыт ата университеті «Үздік спорт кафедрасы – 2024» атанды

Қорқыт ата атындағы Қызылорда университеті тағы бір мәрте үздіктер қатарынан көрінді. Алматы қаласында өткен Қазақ Спорт және Туризм академиясының 80 жылдық мерейтойына арналған «Жыл үздігі – 2024» марапаттау рәсімінде университеттің Жаратылыстану институты, Дене шынықтыру және бастапқы әскери дайындық білім беру бағдарламасы «Үздік спорт кафедрасы» номинациясын иеленді. Білім беру бағдарламасының жетекшісі - Шеризат Қуатбеков.

Дәстүрлі түрде жыл сайын өтетін бұл шараны Қазақ Спорт және Туризм академиясы мен «Спорт жұлдыздары» республикалық журналы ұйымдастырды. Жобаның басты мақсаты – еліміздің көк туын көкке көтерген спортшылар мен спорт саласын дамытуға үлес қосып жүрген азаматтардың еңбегін дәріптеу.

Бұл марапат университет ұжымының спорт саласындағы жоғары кәсіби шеберлігінің және қоғамдағы беделінің тағы бір дәлелі.

Қорқыт ата атындағы Қызылорда университетінің медиа орталығы
Байланыс телефоны: 8(7242) 26-21-34
 e-mail: media_korkyt@mail.ru