• 23 желтоқсан 2024
• 446

Корейтану апталығы: білім алушылар жүлделі орын алды

Қорқыт ата атындағы Қызылорда университетінің білім алушылары Абылай хан атындағы Қазақ халықаралық қатынастар және әлем тілдері университетінде өткен корейтану пәнінің VI апталығынан жүлделі оралды.

Шараға Қазақстан, Қырғызстан, Өзбекстан, Әзірбайжан, Грузия және Корея мемлекеттерінен 120 адам қатысты.

Апталықтың бірінші күні ТМД елдері арасындағы 9-шы корейтану академиялық конференциясында Қорқыт ата атындағы Қызылорда университетінің 4 курс студенті Жазира Серғали (жетекшісі Им Хэ Мин ) “Art of the Joseon Dynasty” тақырыбында зерттеу жобасын қорғады.

Олимпиаданың екінші күні спикерлер сайысы өтті.

Байқауға Қорқыт ата атындағы Қызылорда университетінің 4 курс студенті Ақерке Дастанқызы (жетекшісі Сон Ю Ха) қатысып, “Өмір” тақырыбында баяндама жасады. Сайыс қорытындысы бойынша, Ақерке Дастанқызы жүлделі II орын иегері атанды. 

Жиын Кореядағы Чунан университеті, Қазақстандағы Корея Республикасының консулы, Алматы Корей білім беру орталығы, Қазақстандағы Корей компанияларының қауымдастығы, Корей қоры және корейтануды насихаттау қызметінің қолдауы арқылы жүзеге асырылды. 

Аталған шара студенттердің академиялық зерттеу және кәріс тілінде сөйлеу қабілеттерін дамытуға керемет мүмкіндік болды.

Қорқыт ата атындағы Қызылорда университетінің медиа орталығы
Байланыс телефоны: 8(7242) 26-21-34
 e-mail: media_korkyt@mail.ru