• 13 қаңтар 2025
• 236

Бердіхан Исматуллаевты еске алуға арналған турнир өтті

Евразия спорт кешенінде белгілі заңгер  Бердіхан Исматуллаевты еске алуға арналған шағын футболдан облыстық турнир өтті. Жарысқа жасы 45-тен асқан ойыншылардан құралған 8 команда қатысты. Биыл дәстүрлі турнир 7 мәрте ұйымдастырылды.

Турнирдің ашылуына облыстық мәслихат төрағасы Мұрат Тілеуімбетов қатысып, қатысушыларға сәттілік тіледі. Салтанатты жиында Бердіхан Исматуллаевтың анасы сөз сөйлеп, шараның өтуіне атсалысқан азаматтарға алғысын білдірді. 

Тартысты додаға Қорқыт ата атындағы Қызылорда университетінің оқытушы-профессорларынан құралған команда қатысты.

“Кызылорда облысы бойынша Азаматтарға арналған үкімет саласында басшылық қызметте болған белгілі заңгер  Бердіхан Исматуллаев  есімі аймақтың құқық саласындағы жоғары деңгейдегі кәсіби жетістіктерімен ерекшеленеді. Оның адамгершілігі мен ізгі қасиеттері ел жадында мәңгі сақталмақ. Турнир барысында қатысушылар тек спорттық шеберліктерін ғана емес, достық қарым-қатынасты насихаттаудың үлгісін көрсетуде”,- деді Әлеуметтік және тәрбие жұмыстары жөніндегі проректор Жандос Базартай.

Жарыс нәтижесінде  1-орынға Жаңақорған командасы, 2-орынға Отбасы банк командасы, 3-орынға ДилМаш командасы, ал 4-орынға Мелиоратор Best командасы лайық деп танылды. Сонымен қатар, үздік ойыншылар  марапатталып, турнир жоғары деңгейде өз мәресіне жетті.

Қорқыт ата атындағы Қызылорда университетінің медиа орталығы
Байланыс телефоны: 8(7242) 26-21-34
 e-mail: media_korkyt@mail.ru