• 13 қаңтар 2025
• 234

Мектеп мұғалімдеріне арналған біліктілікті арттыру курсы өтуде

Қорқыт ата атындағы Қызылорда университетінің Біліктілікті арттыру және қосымша білім беру орталығында мектеп мұғалімдеріне арналған біліктілікті арттыру курсы өтті. Педагогтерге арналған курс «STEM және жасанды интеллект – білім берудегі интеграцияланған модель» бағдарламасы бойынша 72 сағат көлемде ақылы негіздегі ұйымдастырылуда.
Курсты университеттің «Физика және математика» білім беру бағдарламасының қауымдастырылған профессоры, педагогика ғылымдарының кандидаты Сәулеш Менлихожаева, аға оқытушы, PhD Гүлзат Енсебаева және «Республикалық STEM тренер» сертификатының иегері Ақжан Ахатай жүргізді.

Курстың мақсаты – заманауи оқыту технологияларын қолдана отырып, математика және жаратылыстану бағытындағы пәндерді оқытуға қажетті тиімді әдістерді меңгерген пән мұғалімдерінің біліктілігін арттыру. 
Айта кетейік, біліктілікті арттыру курсы 20 қаңтарға дейін жалғаспақ. Қатысушылар теориялық білімдерін тәжірибеде қолдана алатындай практикалық дағдыларды меңгереді.

Қорқыт ата атындағы Қызылорда университетінің медиа орталығы
Байланыс телефоны: 8(7242) 26-21-34
 e-mail: media_korkyt@mail.ru