• 03 наурыз 2025
• 187

Лаура Ануарқызы Сыр өңірінің делегациясымен Қытайға барды

Облыс әкімі Нұрлыбек Нәлібаев бастаған Сыр өңірінің делегациясы Қытайға жұмыс сапарымен барды. Делегация құрамында Қорқыт ата атындағы Қызылорда университетінің «Аграрлық технологиялар» білім беру бағдарламасының профессоры, ауылшаруашылығы ғылымдарының докторы Лаура Тохетова бар. Сапардың негізгі мақсаты – аймақтың агроөнеркәсіп, құрылыс, қызмет көрсету салаларына инвестиция тарту.

Іссапар аясында Сычуань ауылшаруашылық ғылымдары академиясының биотехнология және ядролық технологиялар институтында болып, жұмысымен танысты. Институт ауыл шаруашылығы өнімдерінің сапасын және өндірісінің тиімділігін арттыруға ықпал ететін ғылыми зерттеулер мен инновациялар саласындағы маңызды орталық болып табылады.

Қытай тұқым қауымдастығының директоры Лю Юнмен және «AIR FARMER CO» директоры Сяо Лангмумен келіссөздер барысында тараптар күріш өсіру және ауыл шаруашылығы саласы үшін кадрлар даярлау саласындағы ынтымақтастықты одан әрі дамытуға келісті. 

Сондай-ақ, «AIR FARMER CO» компаниясының директоры Сяо Лангму университет ғалымы Ибадулла Таутеновтың  AP23489478 «Қазақстан Арал өңірінің күріш жүйелерінің сортаң топырақтарында дәнді құмай сорттарын экологиялық сынақтан өткізу»  гранттық жобасына қызығушылық танытты. Нәтижесінде Сяо Лангму өңірімізде экологиялық сортты сынау үшін дәнді дақылдың құрғақшылыққа төзімді жоғары өнімді сорттарының тұқымын беру бөлігінде қолдау көрсетуге келісті.

Бұл сапар Қорқыт ата атындағы Қызылорда университеті мен Сычуань ауылшаруашылық ғылымдары академиясының биотехнология және ядролық технологиялар институты арасындағы ұзақ мерзімді ынтымақтастықты нығайтудың бастамасы болып табылды.

Қорқыт ата атындағы Қызылорда университетінің медиа орталығы
Байланыс телефоны: 8(7242) 26-21-34
 e-mail: media_korkyt@mail.ru