• 03 наурыз 2025
• 177

Криминалистер: қылмыс құпиясын ашатын кілт

Қорқыт ата атындағы Қызылорда университетінде Қызылорда облысы бойынша Полиция департаменті өкілдерінің қатысуымен 1 наурыз- Криминалистика қызметкерлері күніне орай танымдық кездесу өтті.

Іс-шараға Қызылорда облысы бойынша Полиция департаменті Жедел криминалистикалық басқармасының басшысы Әділби  Жүсіпов, Полиция департаментінің Жедел криминалистикалық басқармасының аға криминалисі, полиция майоры Ильяс Райханов қатысып, өз тәжірибелерімен бөлісті. Кездесу барысында білім алушыларға қылмыстарды ашу, қылмыскерлерді анықтау және кінәсіз адамдарды ақтау үшін криминалистика ғылымының жаңалықтарын айтты. Сонымен қатар, саусақ іздері, ДНҚ сараптамасы мен   құқық қорғау органдарына күрделі істерді ашуға көмектесіп жүрген цифрлық криминалистика сияқты технологиялардың қыр-сырымен бөлісті. 

Жиында ҚР Ішкі Істер органдарының ардагері, отставкадағы полиция полковнигі, қазіргі уақытта Қорқыт ата атындағы Қызылорда университетінің Криминалистикалық зертханасының меңгерушісі Марат Садыков  жастарға криминалистикалық әдістер туралы ақпарат берсе, өңірдегі білікті сарапшы Серік Молжанов сарапшылық қызмет пен криминалистика саласының қызметі туралы баяндады.

Студенттер “Криминалистің бір күні” және криминалистикалық әдістерге арналған бейнероликтерді тамашалады. Шара соңында қатысушылар сала мамандарына сұрақ қойып, өзара пікір алмасты.

Қорқыт ата атындағы Қызылорда университетінің медиа орталығы
Байланыс телефоны: 8(7242) 26-21-34
 e-mail: media_korkyt@mail.ru