• 05 наурыз 2025
• 205

Әйелдер арасында спорттық турнир өтті

Қорқыт ата атындағы Қызылорда университетінде 8 наурыз – Халықаралық әйелдер күніне орай профессор-оқытушылар құрамы мен қызметкерлер арасында спорттық жарыс өтті. 

Волейбол мен дартс спорт түрлерінен өткен турнирге 6 команда қатысты. Нәзік жандылар салауатты өмір салтын насихаттап, ұжымдағы ынтымақтастық пен достықты нығайтуға бағытталды.

Турнир аясында волейбол және дартс спорт түрлерінен сайыстар өтті. Волейбол бәсекесінде Ректорат құрамасы үздік ойын көрсетіп, 1-орынға ие болды. Жаратылыстану институты 2-орынды, ал Экономика және құқық институты 3-орынды иеленді.

Дартс сайысында Экономика және құқық институты 1-орынды, Жаратылыстану институты 2-орынды, ал Инженерлі-технологиялық институты 3-орынды жеңіп алды.

Марапаттау рәсімінде Әлеуметтік және тәрбие жұмыстары жөніндегі проректор Жандос Базартай құттықтау сөз сөйлеп, әйелдердің қоғамдағы, білім мен ғылым саласындағы маңызды рөлін ерекше атап өтті. Жарысқа қатысушыларға алғысын білдіріп, жеңімпаздарға арнайы марапаттар мен қаржылай сыйлықтар табыстады.

Қорқыт ата атындағы Қызылорда университетінің медиа орталығы
Байланыс телефоны: 8(7242) 26-21-34
 e-mail: media_korkyt@mail.ru