• 07 наурыз 2025
• 113

Ана - әлемнің ажары

Қорқыт ата атындағы Қызылорда университетінде 8 наурыз – халықаралық әйелдер күніне орай «Ана - әлемнің ажары» атты салтанатты жиын өтті. Мерекелік кешке Басқарма төрағасы-Ректор Бейбіткүл Сәрсемханқызы қатысып, нәзік жандылардың қоғамдағы рөлін атап өтті. Сонымен қатар, оқу орнының дамуына үлес қосып, қызметтік міндеттерін жауапкершілікпен атқарып жүрген ғалым әйелдерінің еңбегіне тоқталды.

“Бүгінде 1024 қызметкердің 694-і әйелдер, оның ішінде 337 профессор-оқытушы, 3 ғылым докторы, 117 ғылым кандидаты, 33 PhD, 167 магистр бар. Ғылыми жобаларда 67 әйел-ғалым жұмыс істейді, оның 31-і 40 жасқа дейінгі жас ғалымдар. Соңғы үш жылда 500 ғалым жобасы аясында 15 ғалым әйел әлемнің жетекші оқу орындарында тағылымдамадан өтсе, 8 жас ғалымның ғылыми-зерттеу жұмысы «Ректор гранты» бойынша қолдау тапты. Сондай-ақ, әйел ғалымдар арасында халықаралық ғылыми базаларда көп мақала жариялағандар қатарында Анипа Тапалова, Алмакүл Әбдімомынова, және Гүлмира Абызбекова бар”,-деді университет басшысы.

Салтанатты шарада «Күміс университет» жобасы аясында университетте ұзақ жылдар бойы кәсіби маман даярлауда еңбек етіп жүрген ардагер-ұстаздарға құрмет көрсетілді. Іс-шарада өңірдің дамуы мен гүлденуіне, университеттің стратегиялық дамуына үлес қосып жүрген әріптестер марапат төрінен орын алды.

Мерекелік кеш Инженерлі-технологиялық институтының концертімен қорытындыланып, әйелдер қауымына ықылас гүлдері ұсынылды.

Қорқыт ата атындағы Қызылорда университетінің медиа орталығы
Байланыс телефоны: 8(7242) 26-21-34
 e-mail: media_korkyt@mail.ru