• 26 наурыз 2025
• 265

Бакалавриат студенттеріне арналған академиялық ұтқырлық бағдарламасы бойынша конкурс туралы ХАБАРЛАНДЫРУ

Қорқыт Ата атындағы Қызылорда университеті халықаралық байланыстар бөлімі 2025-2026 оқу жылының күзгі семестрінде Бельгия елінің Ховест қолданбалы ғылымдар университетінде ағылшын тілінде оқуға арналған академиялық ұтқырлық бағдарламасы бойынша келесі білім беру бағдарламалары бойынша конкурс жариялайды:

- Жасанды интеллект инженері

- Қолданбалы информатика (Компьютерлік ғылымдар) I және II

- I және II Биоинформатика

- I және II бизнесті жаһандық басқару-менеджмент

Конкурсқа  бакалавриат студенттері (бітіруші курстардан басқа) қатыса алады. Егер білім беру бағдарламалары сәйкес келсе, 2025 жылдың қыркүйек айы мен 2026 жылдың қаңтар айы аралығында конкурстан өткен студенттердің Ховест қолданбалы ғылымдар университетінде оқуы тегін, ал бару-қайту жолақысы, медициналық сақтандыру полисі, визалық шығындары және жатақханада тұру ақысы студенттердің өз есебінен болады.

Өтініш беруші келесі құжаттарды тапсыруы қажет:

1) Білім алушының толық деректерімен университет басшысының атына конкурсқа қатысу туралы өтініш (институт, мамандық, топ, төлқұжат деректері, тұрғылықты мекенжайы, э-пошта);

2) Үлгерімі туралы транскрипт (Платонус арқылы электронды түрде) (GPA 3.0 баллдан төмен болмау керек);

3) Шетел тілін (ағылшын тілі) меңгеру деңгейін растайтын құжат: бар болған жағдайда шетел тілін білуді бағалаудың халықаралық жүйелері арқылы алынған сертификат (IELTS/TOEFL);

4) IELTS/TOEFL сертификаттары болмаған өтініш берушілер ағылшын тілі бойынша институционалды тестті 7 сәуір күні сағат 16:00-де бас оқу ғимаратының мәжіліс залында тапсырады.

Құжаттар халықаралық байланыстар бөлімінде қабылданады.

Мекен-жайымыз: Қызылорда қ-сы, Әйтеке Би көшесі 29-А,

бас оқу ғимараты, 2-қабат, 224-ші бөлме, телефон: 26-29-57

Қорқыт Ата атындағы ҚУ-дың  халықаралық байланыстар бөлімі