• 11 сәуір 2025
• 137

Ардақты ғалымға арналған дәрісхана ашылды

Қорқыт ата атындағы Қызылорда университетінде «Әлемді ғылым құтқарады» атты ғылым айлығына орай, философия ғылымдарының кандидаты Оңғар Бермаханов атындағы дәрісхана ашылды.

Дәрісхананың лентасын Қорқыт ата атындағы Қызылорда университетінің Басқарма төрағасы – Ректоры Бейбіткүл Кәрімова, Қызылорда университетінің құрметті  профессоры, философия ғылымдарының кандидаты Оңғар Бермаханов, университеттің ардагерлер кеңесінің төрағасы техника ғылымдарының кандидаты, профессор  Бақыт Қалиев қиды.

Салтанатты шараға зиялы қауым өкілдері, ғылыми кеңес мүшелері, оқытушы-профессорлар құрамы, ардагер ұстаздың әріптестері мен шәкірттері және отбасы мүшелері қатысты.

Шарада Қорқыт ата атындағы Қызылорда университетінің Басқарма төрағасы – Ректор Бейбіткүл Кәрімова ғалымның ғылым мен білім саласына қосқан үлесін ерекше атап өтті.

Профессор 1984-1998 жылдары Н.В.Гоголь атындағы Қызылорда  педагогикалық институтының аға оқытушысы, 2003-2012 жылдары Қызылорда гуманитарлық университетінің аға оқытушысы және 2012-2021жылдары Қорқыт ата атындағы Қызылорда мемлекеттік университеті «Философия және мәдениеттану» кафедрасының меңгерушісі қызметін атқарды. Сонымен қатар, университеттің Ғылыми Кеңесінің мүшесі.  

Ғалымның 30-дан астам ғылыми мақалалары республикалық және шет елдік беделді басылымдарда жарық көрді. Сондай-ақ, «Мемлекет пен азаматтық қоғамның өзара қатынастары» тақырыбында монографиясы бар.

Жиында университет басшылығы 22-дәрісхананың ашылуына демеушілік жасаған ғалымның жақыны Нұржан Оңалбаевқа «Қорқыт Ата атындағы Алтын медаль» төсбелгісін табыстады.