• 02 маусым 2025
• 159

Қорқыт ата атындағы Қызылорда университетінде Директорлар кеңесінің жаңа төрағасы сайланды

«Акционерлік қоғамдар туралы» ҚР Заңының 56-бабы 1 тармағына  сәйкес Директорлар кенесінің шешімімен ( 4 хаттама 30.05.2025 ж) Директорлар кеңесінің төрағасына қоғам қайраткері, экономика ғылымдарының кандидаты Әбіл Ерлан Қуанышұлы сайланды.

Ерлан Қуанышұлының жоғары оқу орындарында 30 жылға жуық тәжірибесі бар. Айта кетсек, Жезқазған университетінде ассистент, оқытушы, кафедра меңгерушісі, институт директоры қызметтерін атқарған. 2006 жылы Қазақстан Республикасы Президентінің жанындағы Мемлекеттік басқару академиясында жұмыс істеп, 2019-2025 жылдар аралығында Қазақстан Республикасы Президентінің жанындағы Мемлекеттік басқару академиясының ректоры қызметін атқарды.

Сондай-ақ, бірнеше ұлттық жобаларға жетекшілік еткен, соның ішінде Президенттік жастар кадрлық резерві (2019, 2021, 2023), оқу процесін цифрландыру және Qazaq Resmi Test онлайн платформасы.
Ерлан Әбіл мемлекеттік марапаттарға да ие, оның ішінде “Ерен еңбегі үшін” медалі мен “Алтын Барыс” төсбелгісі бар.

Сонымен қатар, Қазақстан Республикасы Ғылым және жоғары білім министрінің 2025 жылғы 30 сәуірдегі № 224 бұйрығымен Жайжуманова Әсемгүл Абайқызы - Директорлар Кеңесінің мүшесі болып сайланды.

Әсемгүл Абайқызы Қазақстан Республикасы Қаржы министрлігі Мемлекеттік мүлік және жекешелендіру комитеті Мемлекет қатысатын мемлекеттік емес заңды тұлғалармен жұмыс басқармасының басшысы.