• 11 тамыз 2025
• 78

Университет студенттері Түркияда тілдік лагерьге қатысуда

Қорқыт ата атындағы Қызылорда университетінің ағылшын-түрік тілі мамандығының студенттері Алматы қаласындағы Түркия Республикасы Бас консулдығының білім атташелігінің қолдауымен Түркияның Ыстамбұл қаласында орналасқан Ибн Халдун университетінде екі апталық түрік тілі лагеріне қатысуда. 
Бағдарламаның басты мақсаты – студенттердің түрік тілін меңгеру деңгейін арттыру, мәдени көкжиегін кеңейту және халықаралық ынтымақтастықты нығайту. Сондай-ақ, жастарға шетелдік білім беру ортасын сезініп, кәсіби дамуына серпін беру көзделген.

Лагерь барысында қатысушылар күнделікті тіл сабақтарымен қатар, тарихи және мәдени орындарға экскурсия жасап, түрлі танымдық іс-шараларға қатысуда. Олар түрік халқының тарихы, салт-дәстүрі мен ұлттық құндылықтары туралы ақпарат алып, елдің мәдени ортасын жақыннан тани алады.
Бұл тәжірибе студенттердің тілдік қабілетін жетілдірумен қатар, олардың бойында мәдениетаралық коммуникация дағдыларын қалыптастырып, болашақ маман ретінде бәсекеге қабілеттілігін арттыруға мүмкіндік береді.

Корқыт ата атындағы Қызылорда университетінің медиа орталығы
Байланыс телефоны: 8(7242) 26-21-34
 e-mail: media_korkyt@mail.ru