• 16 қазан 2025
• 70

Жастар арасында құқықтық мәдениетті қалыптастыруға бағытталған кездесу өтті

Қорқыт ата атындағы Қызылорда университетінде жастар арасында тәртіпті нығайту және құқық бұзушылықтардың алдын алу мақсатында құқық қорғау органдарының қызметкерлерімен кездесу өтті. 
Кездесуге Қызылорда қаласы Полиция басқармасы Қоғамдық қауіпсіздік бөлімінің ювеналды полиция бөлімшесінің аға инспекторы Нұрбол Алдабергенов қатысып, студенттерге құқықтық мәдениетті қалыптастырудың маңызы мен құқық бұзушылықтың салдары туралы кеңінен түсіндірді.

Іс-шара барысында жастар арасында жиі кездесетін әкімшілік құқық бұзушылықтар, кәмелетке толмағандардың жауапкершілігі және қоғамдағы тәртіп ережелерін сақтау мәселелері талқыланды. Сонымен қатар, студенттер өздерін қызықтырған сұрақтарын қойып, құқықтық тұрғыда пайдалы ақпарат алды.
Кездесудің мақсаты – жастардың құқықтық сауаттылығын арттыру, заңды құрметтеуге және тәртіпті сақтауға баулу болды.

Корқыт ата атындағы Қызылорда университетінің медиа орталығы
Байланыс телефоны: 8(7242) 26-21-34
 e-mail: media_2022@korkyt.kz