• 17 қазан 2025
• 78

Ректор Әлем чемпионы Снежанна Бойконы қабылдады

Қорқыт ата атындағы Қызылорда университетінің Басқарма Төрағасы-Ректор Бейбіткүл Каримова пара пауэрлифтингтен әлемдік ареналарда ел намысын абыроймен қорғап жүрген студент Снежанна Бойконы қабылдады.
Снежанна Бойко жуырда Египетте өткен Әлем чемпионатында 74 келілік зілтемірді көтеріп, Азия және әлем рекордын жаңартты. Сондай-ақ «Тотал» бағдарламасы бойынша үздіктер көшін бастап, 2 дүркін әлем чемпионы атанды.
Айта кетейік, спортшы бұл жолы өзіне тиесілі рекордты 3 келіге арттырып, жаңа нәтижеге қол жеткізді. 

Кездесу барысында ректор Бейбіткүл Каримова Снежаннаны жарқын жеңісімен құттықтап, оның табандылығы мен жігері жастарға үлгі екенін атап өтті. Сондай-ақ университет атынан алдағы жарыстарда да биік белестерді бағындыруына сәттілік тіледі.

Қорқыт ата атындағы Қызылорда университетінің медиа орталығы
Байланыс телефоны: 8(7242) 26-21-34
 e-mail: media_korkyt@mail.ru