• 20 қазан 2025
• 131

Университет ғалымдарының жарияланымдық белсенділігін арттыру

Қорқыт ата атындағы Қызылорда университетінде “EDP Hub” компаниясының бас маманы Гүлжауар Бикжановамен кездесу өтті.
Кездесудің негізгі мақсаты – университет оқытушыларының ғылыми еңбектерінің жарияланымдық белсенділігін арттыру және цифрлық білім беру ресурстары мен баспа қызметі саласында өзара ынтымақтастық орнату болды.

Семинар барысында “EDP Hub” компаниясының өкілі ғылыми еңбектерді баспаға дайындау, халықаралық индекстелетін журналдарда жариялау талаптары мен мүмкіндіктері туралы кеңінен баяндап, оқытушылардың сұрақтарына жауап берді. 
Кездесу нәтижесінде тараптар ғылыми және оқу-әдістемелік еңбектерді жариялау ісін жүйелеу, заманауи цифрлық платформаларды тиімді пайдалану арқылы университеттің баспа қызметін жаңа деңгейге көтеру мәселелерін талқылады.