• 29 қазан 2025
• 71

Еуропалық Одақтың Эразмус+ КА171 Халықаралық кредиттік ұтқырлық бағдарламасы бойынша студенттер мен магистранттарға арналған конкурс туралы ХАБАРЛАНДЫРУ

Қорқыт Ата атындағы Қызылорда университетінің халықаралық байланыстар бөлімі  Лодзь университетінде (Польша) ағылшын тілінде оқуға 2025-2026 оқу жылының  көктем семестріне арналған Халықаралық кредиттік ұтқырлық бағдарламасы бойынша конкурсқа құжаттар қабылдайды.

Конкурсқа 1-2-3 курс студенттері мен 1-2 курс магистранттары (бітіруші курстардан басқа) келесі білім беру бағдарламалары бойынша қатыса алады:

Заң және әкімшілік факультеті, Экономика және әлеуметтану факультеті, Биология және қоршаған ортаны қорғау факультеті, География ғылымдары факультеті, Халықаралық және саяси зерттеулер факультеті, Философия және тарих факультеті, Басқару факультеті, Математика және информатика факультеті, Физика және қолданбалы информатика факультеті, Химия факультеті, Педагогикалық ғылымдар факультеті, Филология факультеті (шетел тілдері және орыс тілі, мәдениеттану және медиатану, журналистика).

Конкурстан өткен  жағдайда білім алушыларға ЕО Эразмус+ жобасының гранты бөлінеді, ол барлық шығындарды өтейді, соның ішінде бару-қайту жолақысын, медициналық сақтандыру полисін, визалық шығындарын, жатақханада тұру төлемақысын және ай сайын 800 евро стипендия тағайындалады. Оқу кезеңі ақпан - маусым 2026 жыл.

Үміткерлер келесі құжаттарды ұсынады:

1. Білім алушының толық деректерімен ЖОО басшысының атына конкурсқа қатысу туралы өтініш (институт, мамандық, топ, паспорттық деректер, тұрғылықты мекенжайы, э-пошта);

2. ҚР азаматы паспортының көшірмесі және жеке куәлігінің көшірмесі;

3. Шетел тілін білуді бағалаудың халықаралық жүйелері (IELTS/TOEFL)арқылы алынған Сертификат;

4.Ағымдағы үлгерім туралы Транскрипт (GPA кемінде 3.0 балл) (қолымен және мөрімен расталған);

5. Оқу орнынан анықтама (қолымен және мөрімен расталған);

5. Өтініш берушінің сауалнама-анкетасы (халықаралық байланыстар бөлімінен алынады );

6. Оқыту туралы келісім (эдвайзермен және БББ жетекшісімен бірге толтырылады);

7. Мотивациялық хат;

8. Мектеп аттестатының немесе бакалавр дипломының скан-көшірмесі;

9. Біліктілікті растайтын басқа құжаттар (сертификаттар, марапаттар).

         Ұсынылған үміткерлерді іріктеуді Лодзь университеті (Польша) онлайн Skype сұхбатынан кейін жасайды.

Құжаттарды қабылдау халықаралық байланыстар бөлімінде 2025 жылғы 29 қазаннан 14 қарашаға дейін жүргізіледі. Мекен-жайымыз: Қызылорда қаласы, Әйтеке Би көшесі, 29-А, бас ғимарат, 2-қабат, 224 кабинет, тел.: 26-29-57

Қорқыт Ата атындағы Қызылорда  университеті 
Халықаралық байланыстар бөлімі.