• 07 қараша 2025
• 51

Студенттермен «Қаржылық сауаттылық» тақырыбында кездесу өтті

Қаржылық мониторинг агенттігі Қызылорда облысы бойынша Экономикалық тергеп-тексеру департаментінің өкілдері Қорқыт ата атындағы Қызылорда университетінің студенттерімен кездесті. «Заң мен Тәртіп» қағидаты аясында өткізілген шараға облыстық полиция департаментінің киберқылмысқа қарсы іс-қимыл басқармасының қызметкері Н.Ермаханов және 100-ден астам жас қатысты.  

Жиында департаменттің тергеушісі Майра Оралбаева студенттерге қаржылық сауаттылықтың маңызы, дропперлік, құмар ойындарының зардабы жайлы  түсіндірді.

Ал полиция өкілі алаяқтардың жаңа тәсілдері жайлы ақпарат беріп, олардан сақтану жолдары туралы кеңінен тарқатып айтты.
Мұндай кездесулер алдағы уақытта да жалғасын табатын болады.