• 28 қараша 2025
• 122

Қорқыт ата университетінде белгілі күйші Аягөз Нұрсұлтан шеберлік сағатын өткізді

Қорқыт ата атындағы Қызылорда университетінде Қазақ ұлттық өнер университетінің аға оқытушысы, Мәдениет саласының үздігі, Республикалық конкурстардың лауреаты, бірнеше оқу құралдары мен кітаптардың авторы, белгілі күйші Аягөз Нұрсұлтанның қатысуымен қонақ дәрісі және шеберлік сағаты өтті.

Іс-шараны Педагогика және дәстүрлі өнер институты ұйымдастырды. Кездесудің кіріспе сөзін институт директоры Наку Мирманов сөйлеп, қонақтың шығармашылық жолы мен өнердегі жетістіктерін таныстырды.
Шеберлік сағаты барысында Аягөз Еркінбекқызы ұлттық мұра – күй өнерінің ерекшеліктері, орындаушылық шеберліктің қыр-сыры жөнінде өз тәжірибесімен бөлісіп, бірнеше күйлерді орындады. Кездесу қатысушыларға ерекше рухани әсер қалдырды.

Іс-шара соңында университет тарапынан қонаққа Алғыс хат пен сыйлық табысталды. Сондай-ақ шеберлік сағатына қатысқан студенттер мен оқытушыларға сертификаттар берілді.

Қорқыт ата атындағы Қызылорда университетінің медиа орталығы
Байланыс телефоны: 8(7242) 26-21-34
 e-mail: media_korkyt@mail.ru