• 28 қараша 2025
• 199

Қорқыт ата университетінің студенті Нұрсұлтан Назарбаев Қоры стипендиясының иегері атанды

Қорқыт ата атындағы Қызылорда университетінің 4 курс студенті Алина Зкрияева Нұрсұлтан Назарбаев Қоры стипендиясының иегері атанды.

Аталған байқау 2010 жылдан бері өткізіліп келеді. Оның басты мақсаты – жоғары және орта арнаулы (өнер және мәдениет) оқу орындарының күндізгі бөлім студенттерін оқудағы, ғылыми және шығармашылық қызметтегі жетістіктері үшін ынталандыру.

Стипендиаттарды іріктеудегі негізгі критерийлер – жоғары академиялық үлгерім, қоғамдық жұмыстарға белсенді атсалысу, ғылыми-зерттеу қызметіне қатысу, шығармашылық даму және республикалық, халықаралық деңгейдегі байқаулар мен жобалардағы жетістіктер болып табылады.

Республикалық деңгейдегі іріктеуде Химия-биология білім беру бағдарламасының 4 курс студенті Алина Асхатқызы өз білімін, ғылыми ізденісін және шығармашылық қабілетін жоғары деңгейде танытып, үздіктер қатарынан көрінді.

Нәтижесінде Астана қаласында өткен марапаттау рәсімінде Нұрсұлтан Назарбаев Қоры стипендиясының иегері куәлігі мен төсбелгісін иеленді.

Университет ұжымы студентіміз Алина Асхатқызын лайықты жетістігімен шын жүректен құттықтай отырып, алдағы уақытта да биік белестерді бағындыруына, ғылым мен білім жолында табысқа жетуіне тілектестік білдіреді.

Қорқыт ата атындағы Қызылорда университетінің медиа орталығы
Байланыс телефоны: 8(7242) 26-21-34
 e-mail: media_korkyt@mail.ru