• 28 қараша 2025
• 109

Әлеуметтік сала мамандары үшін жаңа білім мен тәжірибе курсы өтті

Қызылорда облысы әкімдігі мен Қорқыт ата атындағы Қызылорда университеті әлеуметтік жұмыскерлерді даярлау, қайта даярлау және олардың біліктілігін арттыруды ұйымдастыру бойынша ынтымақтастық және өзара іс-қимыл туралы  меморандумы аясында Біліктілікті арттыру және қосымша білім беру орталығының ұйымдастыруымен Қызылорда қаласы әкімдігінің «Қалалық жұмыспен қамту және әлеуметтік бағдарламалар бөлімі» мен «Арал аудандық жұмыспен қамту және әлеуметтік бағдарламалар бөлімі» коммуналдық мемлекеттік мекемелерінің әлеуметтік жұмыскерлеріне арналған «Әлеуметтік жұмыстың заманауи бағыттары» атты біліктілікті арттыру курсы өтті.

Негізгі мақсаты – Қызылорда облыстық жұмыспен қамтуды үйлестіру және әлеуметтік бағдарламалар басқармасына қарасты әлеуметтік қызметкерлердің біліктілігін арттыру.
Курс бағдарламасын «Экономика және басқару» білім беру бағдарламасының доценті, экономика ғылымдарының кандидаты Алмакүл Әбдімомынова, аға оқытушылар, экономика ғылымдарының кандидаты Меруерт Өмірзақова, экономика ғылымдарының магистрі Ұлжан Берікболова жүргізді.

Курс барысында әлеуметтік жұмыскерлер «№1 Қызылорда арнаулы әлеуметтік қызметтер көрсету орталығы» коммуналдық  мемлекеттік  мекемесінде болды. Орталығының басшысы Раушан Ысқақова және директордың әлеуметтік істер жөніндегі орынбасары Азиз Аққалиев орталық жұмысымен толыққанды таныстырды.
Кездесу барысында әлеуметтік жұмыскерлер «Socium» цифрлық платформада  қалай жұмыс жасау қажеттігін толыққанды үйренді. «Socium» цифрлық платформасы әлеуметтік қызмет көрсетудің дәстүрлі әдістерінен цифрлыға көшуге ықпал етеді. Бұл процестерді автоматтандыру және құжат айналымын азайту үшін заманауи технологияларды пайдалану. Платформа әлеуметтік жеңілдіктер, бағдарламалар мен бастамалар туралы ақпарат береді, бұл азаматтарға қолжетімді мүмкіндіктер мен қызметтерді жетлдіруге көмектеседі.

Сонымен бірге, әлеуметтік жұмыскерлер арасында  «Өз  көңіл - күйіңе ықпал ет, оны жақсарт!» атты  тренинг өтті. Олар түрлі әдіс - тәсілдерді қолдану арқылы жағымды көңіл-күй қалыптастыру, өзгені қабылдау, қолдау, кәсіби  сана - сезімді кеңейту, тиімді қарым-қатынас, өзара сенім қалыптастыруды үйренді.
Тәжірбиелік курс соңында Біліктілікті арттыру және қосымша білім беру орталығының басшысы Нұрхан Әбдіхалықов тыңдаушыларға сертификаттар табыс етті.