• 28 қараша 2025
• 100

Ректор Педагогика және дәстүрлі өнер институтының студенттерімен жүздесті

Қорқыт ата атындағы Қызылорда университетінің Басқарма төрағасы-Ректор Бейбіткүл Каримованың 1-курс студенттерімен кездесуі Педагогика және дәстүрлі өнер институтында жалғасты.

Басқосу барысында ректор университеттің тарихы мен бүгінгі жетістіктеріне тоқталып, оқу орнының даму бағыты мен болашақ жоспарларын таныстырды. Сондай-ақ студенттерге ғылыми-зерттеу жобаларына қатысу, академиялық ұтқырлық және шығармашылық мүмкіндіктер туралы ақпарат берілді.

Жаңа оқу жылында Педагогика және дәстүрлі өнер институтына 443 білім алушы қабылданған. Студенттер кездесу кезінде өз ойларын айтып, сұрақтарын қойды.

Кездесу соңында студенттер ректорға арнау өлең оқып, шара жылы әсермен қорытындыланды.

Қорқыт ата атындағы Қызылорда университетінің медиа орталығы
Байланыс телефоны: 8(7242) 26-21-34
 e-mail: media_korkyt@mail.ru