• 01 желтоқсан 2025
• 170

Оксфорд профессоры Сыр өңірінде орналасқан ежелгі мекендеу орталарына ғылыми қызығушылық танытуда

Қорқыт ата атындағы Қызылорда университетінің Басқарма төрағасы – Ректор Бейбіткүл Каримова Оксфорд профессоры Эшли Харуданы қабылдады.

Оксфорд университеті археология орталығының зерттеу жетекшісі Эшли Харуда Сыр өңіріне ежелгі Жанкент қалашығына зооархеологиялық зерттеу жүргізу мақсатында келген. Экспедиция барысында байырғы қолға үйретілген жануарларының қалдықтары табылып, құнды жәдігерлер кезіккен.

Кездесуде ірі ғылыми жобаны одан әрі бірлесе жүзеге асыру тетіктері талқыланды. Қызылорда облысы аумағында орналасқан ортағасырлық мекендеу орталары мен жергілікті фаунаны аса қызығушылықпен зерттеген Оксфорд профессоры ғылыми серіктестікке шақырды. Шетелдік археолог сондай-ақ жоғарыда аталған жобаның жемістілігіне үлкен үміт артатынын жеткізді.

Ректор, өз кезегінде, бұл жобаның тек Қазақстан үшін ғана емес, бүкіл әлемнің археологиялық мұрағатын кеңейтіп, ата-бабаларымыздың өмір сүру салтына толық қанығуымызға зор үлес қосатыны сөзсіз екенін айтты.

Жиын соңында қос тарап өкілдері өзара уағдаластыққа қол жеткізіп, бірлесіп жұмыс жасау жөнінде мәміле жасасты.

Қорқыт ата атындағы Қызылорда университетінің медиа орталығы
Байланыс телефоны: 8(7242) 26-21-34
 e-mail: media_korkyt@mail.ru