• 02 желтоқсан 2025
• 176

Қорқыт ата университетінің делегациясы Түркияның Мардин қаласына ресми сапармен барды

Қорқыт ата атындағы Қызылорда университетінің делегациясы Түркия Республикасының Мардин қаласына ресми сапарын бастады.
Сапар Мардин Жастар және спорт істері жөніндегі провинциялық директоратынан түскен ресми шақыру негізінде ұйымдастырылып отыр.

Делегация мүшелері Мардин Жастар және спорт басқармасының өкілдерімен кездесті. Кездесу барысында халықаралық ынтымақтастықты дамыту, жастар саясаты және спорт саласындағы бірлескен жобаларды жүзеге асыру бағыттары бойынша пікір алмасты. 
Сондай-ақ, делегация мүшелері Мардин Жастар орталығына барып, орталықтың қызметімен және жастарға арналған бағдарламалармен танысты.

Айта кетейік, университет делегациясының Түркиядағы сапары 1-7 желтоқсан аралығында жалғасады.

Қорқыт ата атындағы Қызылорда университетінің медиа орталығы
Байланыс телефоны: 8(7242) 26-21-34
 e-mail: media_korkyt@mail.ru