• 23 қаңтар 2026
• 140

Магистратура түлектеріне диплом табысталды

Қорқыт ата атындағы Қызылорда университетінде магистратураға қысқы қабылдаудың қорытындысы бойынша білім алған 38 түлекке салтанатты түрде диплом табысталды.
Салтанатты шараға университет Ректорының міндетін атқарушы Дана Абдрашева қатысып, «магистр» академиялық дәрежесін иеленген білім алушыларды құттықтады. 

«Бүгінгі күн – сіздердің еңбектеріңіздің, табандылық пен ізденістің нәтижесі. Магистратураны аяқтау – кәсіби және ғылыми жолдағы маңызды қадам. Елдің дамуына өз үлестеріңізді қосады деп сенемін», – деді ол өз сөзінде. 

Шара барысында түлектерге дипломдар табысталып, университет ұжымы ізгі тілектерін жеткізді. Жиын соңында естелік суреттерге түсіп, жылы лебіздер айтылды.

Қорқыт ата атындағы Қызылорда университетінің медиа орталығы
Байланыс телефоны: 8(7242) 26-21-34
 e-mail: media_korkyt@mail.ru