• 26 қаңтар 2026
• 146

Қорқыт ата университетінде профессор Бағдат Кәрібозұлы атындағы дәрісхана ашылды

Қорқыт ата атындағы Қызылорда университетінде профессор, филология ғылымдарының докторы Бағдат Кәрібозұлы атындағы «Әдебиет теориясы» дәрісханасының ашылу рәсімі өтті.
Салтанатты жиында дәрісхананың лентасын Ректордың міндетін атқарушы Дана Абдрашева, Қазақстанның еңбек сіңірген қайраткері, Ұлттық ғылым академиясының академигі, техника ғылымдарының докторы, профессор, Қызылорда ашық университетінің ректоры Қылышбай Бисенов, университет ардагері, техника ғылымдарының докторы, профессор Серікбай Қошқаров және филология ғылымдарының докторы, профессор Бағдат Кәрібозұлы қиды.

Іс-шараға облыстың зиялы қауым өкілдері, оқытушы-профессорлар құрамы, ғалымның әріптестері, достары мен шәкірттері қатысты.
Жиынды Ректордың міндетін атқарушы Дана Абдрашева профессордың еңбегіне жоғары баға беріп, Қазақстан Республикасы Ғылым және жоғары білім министрінің, сондай-ақ бірқатар жоғары оқу орындарының ректорларының құттықтау лебіздерін жеткізді. 

Сонымен қатар, Бағдат Кәрібозұлының қызы Айнұр Бағдатқызына университеттің ең жоғары марапаты - «Қорқыт Ата атындағы Алтын медалі» табысталды.
Салтанатты шарада облыс әкімінің орынбасары Мейрамбек Шермағанбет құттықтау сөз сөйлеп, облыс әкімінің ыстық ықыласын жеткізді. Сондай-ақ «Аманат» партиясы Қызылорда облыстық филиалының төрағасы Жандос Базартай да құттықтауын білдіріп, ғалым еңбегінің жастарға үлгі екенін атап өтті. 

Шара барысында студент Бағдат Кәрібозұлына арналған арнауын оқып, Марат Сүгірбай Базар жыраудың термесін орындады.
Ашылған дәрісхана – ғалымның өмірін әдебиет пен ғылымға арнаған еңбегіне деген зор құрметтің, ұстаздық ұлағатының айғағы болды.

Қорқыт ата атындағы Қызылорда университетінің медиа орталығы
Байланыс телефоны: 8(7242) 26-21-34
 e-mail: media_korkyt@mail.ru